"Ляпісы" абкаталі "Рабкор" на стадыёне пад Львовам

19.08.2012 17:50 — Новости Культуры |

Размер текста:: A; A; A

Источник материала:

“Ляпісы” абкаталі “Рабкор” на стадыёне пад Львовам

Павел Свярдлоў, Еўрарадыё

За 2 тыдні да сусветнай прэм’еры новая праграма “Ляписа Трубецкого” амаль цалкам прагучала для 10 тысяч наведнікаў фэста “Захід 2012”.

Фота: Белсат

Сэт “ляпісаў” закрываў другі дзень фестывалю, галоўная сцэна якога стаіць на стадыёне старога піянерлагера. Гурт не выканаў ніводнай песні, старэйшай за 2004 год (“Золотую антилопу” зайгралі на біс), а з новай праграмы прагучалі “Цмок ды арол”, “Не быць скотам”, “Путинарода”, “Броненосец”, “Рабкор”, “Железный” і іншыя.

“Ляпис Трубецкой” зараз у выдатнай канцэртнай форме. За кулісамі перад выступам Руслан Уладыка, як заўжды, задумліва паліў, духавікі і рытм-секцыя адкалывалі жартачкі і ахвотна размаўлялі з журналітсамі, і толькі Сяргей Міхалок не паказваўся з буса.

Але музыкі пачалі з большай увагай ставіцца да сябе і да свайго атачэння: “ляпісы” забаранілі фатографам і аператарам падымацца на сцэну і з’ехалі адразу пасля выступу, пакінуўшы фанатаў без аўтограф-сесіі.