На «Ляпісаў» у Вільню ўжо не патрапіць

Источник материала:

Квіткі на віленскі канцэрт гурта “Ляпіс Трубяцкі” пачалі прадавацца без усялякай рэкламы, але разыйшліся ўсяго за тыдзень. Некалькіх дзён хапіла на тое, каб цалкам запоўніць залу Pramogu Arena.

На жаль, гурт не можа даць канцэрт у родным Мінску, таму па дапамогу прыйшлося звяртацца да бліжэйшых краін-суседак. Перад Вільнюсам канцэрты “Ляпіса Трубяцкога” адбудуцца ў Санкт-Пецярбургу, Маскве і Кіеве. Квіткі на іх яшчэ можна набыць.

Большасць беларускіх фанатаў набывалі квіткі на канцэрт у Вільнюс з разлікам на спецыяльны аўтобусны тур, што арганізоўваўся з Мінску. Візы для фанатаў бясплатныя, што значна палегчыла для многіх справу даезду.

Квіткі расхапалі хутка, многія фанаты засталіся без заветнага пропуску на канцэрт. Ім прапанавана далучыцца да выступленняў гурта ў Расіі і Украіне.
Шчасліўцаў, што пабачаць сваіх куміраў 27 кастрычніка ў Літве, чакае новая праграма “Рабкор Live” і афтэпаці ў клубе Loftas.