У Мядзеле спявалі сем'ямі: перамаглі Ляшковічы

Источник материала:

У гарадскім Доме культуры 30 снежня ўпершыню прайшоў конкурс сем'яў, якія спяваюць. Называўся ён “Ваш выхад”.

Удзельнічалі ў конкурсе шэсць сямейных каманд з розных куткоў Мядзельшчыны. Выходзілі на сцэну з дзецьмі, хтосьці браў у каманду і далейшых сваякоў – напрыклад, братавую.

Кожная сямейная каманда выконвала дзве песні, адна з іх – на навагоднюю тэматыку.

 Журы ўлічвала вакальныя дадзеныя, творчы падыход, арыгінальную падачу матэрыялу, уменне наладзіць кантакт з гледачамі.

 – Уразіла тое, як адказна і сур'ёзна сем'і рыхтаваліся да конкурсу. Таму і мерапрыемства атрымалася, – кажа дырэктар Мядзельскага ГДК Ганна Казакевіч.

 Перамагла ў конкурсе сям'я Ляшковічаў з вёскі Будслаў. А самай згуртаванай назвалі сям'ю Саўчыкаў з Мядзела.

Кожную каманду ўзнагародзілі падарункам. Пераможцы ж атрымалі электрасушылку.

Алесь ВЫСОЦКІ.

Фота vk.com