У Смаргоні запрацавала выстава па нумізматыцы і баністыцы

Источник материала:

Гэта фондавая калекцыя ніколі не экспанавалася. Яе можна пабачыць у Смаргонскім гісторыка-краязнаўчым музеі да 2 сакавіка.

На выставе можна прасачыць усю гісторыю беларускіх грошай пачынаючы ад 1991 года і заканчваючы сённяшнім днём.

Прадстаўленая нумізматыка ад часоў Рымскай імперыі і баністыка ад канца 19 стагоддзя.

– Мы маем і вельмі каштоўныя манеты, кошт якіх на сённяшнім рынку дасягае 500-600 долараў, – адзначае дырэктарка музея Любоў Белуш. – Сярод прадстаўленых таксама ёсць манеты Рэчы Паспалітай, Расійскай імперыі, савецкія, постсавецкіх краін, а таксама сучасныя.  Мы не можам змясціць усе, а таму імкнуліся, каб у экспазіцыю ўвайшлі самыя цікавыя.

Па жаданні наведнікаў, на выставе можна паглядзець відэаролікі, якія распавядаюць пра тое, як чаканілі манеты і выраблялі грошы.

Кошт наведвання для дзяцей – 5 тысяч. Для дарослых – 8 тысяч.

Настасся РОЎДА.

Фота museumsmorgon.by.