На клубніцах школьнікі зарабляюць больш за паўмільёна

Источник материала:

Гаспадары СП Юзэф і Аксана КАСЦЮКі для збору ягад стварылі атрады, накшкалт студэнцкіх, і дзеці не толькі зарабляюць грошы, але і вучацца весці справу на зямлі.

Работа арганізавана наступным чынам. Чатыры атрады вучняў 8—10-х класаў СШ № 1, СШ № 2 райцэнтра, а таксама Порплішчанскай і Крулеўшчынскай СШ, усяго 75 чалавек, прыязджаюць у Крукаўку, дзе размешчаны плантацыі клубніц, і працуюць да паўдня. Зарплата кожнага залежыць ад таго, колькі сабраў ягад. Некаторыя  за тыдзень атрымліваюць па паўмільёна і больш.

Два гады таму Касцюкі набылі камбайн для збору ўраджаю чорнай парэчкі, і цяпер сумеснае прадпрыемства не толькі дапамагае камбайнам  кансерваваму заводу ў суседнім Глыбоцкім раёне, але нават і Мінскай вобласці. Так, на днях «навінка» пабывала на Ілаўскім вінзаводзе, што ў Мядзельскім раёне, дзе з яе дапамогай убралі 10 гектараў чорнай парэчкі.

— Дзякуючы  «Лайкполу» выратавалі ўраджай, — паведаміў дырэктар Ілаўскага вінзавода Андрэй Януковіч. — Толькі закончылі збор, і пачаўся страшэнны ўраган. Ён бы абкалаціў усе ягады.

Уладзімір САУЛІЧ, «СГ»

Фота аўтара