У Пружанскім раёне знойдзена пахаванне часоў Першай сусветнай вайны

Источник материала:

Пахаванне часоў Першай сусветнай вайны на могілках у вёсцы Мурава знайшла брыгада "Камунальніка", паведамляюць "Раённыя будні".




Сярод карчоў ад спілаваных дрэў і разварушанага грэйдэрам камення налічылі з паўсотні плітак. Частка выкладзена ў радок, частка разрознена ляжыць па ўсёй тэрыторыі. Падобна, ёсць і яшчэ: ажно да старой агароджы могілак яўна бачны абрысы іншых радоў. Але ж каб даведацца, ці скрыта што зямлёй, трэба праводзіць раскопкі.

Мураўскі старажыл патлумачыў журналістам: нямецкае пахаванне знаходзілася непадалёку, каля старой царквы. Калі на яе месцы сталі ўзводзіць клуб, астанкі і пліты перанеслі на могілкі.

Але на самай справе на цэментных плітах - не толькі нямецкія і аўстрыйскія прозвішчы, не толькі даты, што сведчаць аб бойках вясной і летам 1915 года. Тут знайшлі апошні прытулак і салдаты, якія загінулі падчас польска-расійскіх канфліктаў. Вось, напрыклад, надпіс: "Невядомы салдат арміі бальшавіцкай. 23.VII.1920".