Вырасце новы завод

Источник материала:

Міністэрства прамысловасці вядзе перамовы з кітайскімі аўтакампаніямі па стварэнні ў Беларусі зборачнай вытворчасці легкавікоў
Кітайскія партнёры выяўляюць цікавасць да такога праекта. “Праведзены перамовы з шэрагам кампаній, але пакуль рашэння з іх боку не прынята, мы чакаем канчатковых прапаноў”, — удакладняе кіраўнік галоўнага ўпраўлення інавацыйнай і інвестыцыйнай дзейнасці Мінпрама Дзмітрый Корчык. Кітайскім аўтафірмам прапанаваны дзве пляцоўкі ў Мінскай вобласці, дзе можна пабудаваць завод “з нуля”.
Сустрэчная прапанова кітайскага боку — стварэнне вытворчасці ў межах Мінска, забеспячэнне яе кваліфікаваным персаналам. Цяпер вядуцца эканамічныя разлікі аб’ёмаў магчымых інвестыцый, патрэбы ў тэхналагічным абсталяванні.
Дарэчы, у Беларусі ў акцыянерным таварыстве “Юнісон” ужо збіраюць легкавікі іранскай кампаніі “ІранКодра”, і бакі маюць намер развіваць гэты праект.

Алесь Зарэцкі