Шкоднiк жаночага цела

Источник материала:

Кожная жанчына рана або позна сутыкаецца з праблемай з'яўлення цэлюлiту, нават самая худзенькая i прыгожая. I гэта не толькi з-за лiшняй вагi, але i няправiльнага ладу жыцця.

Вельмi часта можна пачуць ад жанчын, што чарговы антыцэлюлiтны крэм не даў чаканых вынiкаў. I кожны раз гучыць крытыка ў адрас гэтага крэму, а не таго, як яны ставяцца да свайго цела i арганiзма ў цэлым. Чаму мiлыя дамы часта думаюць, што можна намазацца крэмам ад цэлюлiту i ляжаць, чакаць, пакуль скура стане гладзенькай i роўнай? Нават сухое палена не загарыцца само па сабе без прыкладзеных да гэтага намаганняў.

Крэм заклiканы дапамагчы ў змаганнi з непажаданай "апельсiнавай" скурай. Менавiта дапамагчы, а не цалкам пазбавiць. Калi яго выкарыстаць разам з танiзуючым масажам, эфектыўнасць узрастае ў некалькi разоў. Толькi не трэба ставiцца да масажу як да павiннасцi, рабiць яго трэба з задавальненнем. Дарэчы, масаж можа зрабiць i каханы чалавек — як гаворыцца, сумясцiць прыемнае з карысным.

Дапоўнiўшы свае намаганнi паўнавартасным харчаваннем (толькi не пераяданнем!) робiм барацьбу з "ворагам" больш эфектыўнай. Для паскарэння абмену рэчываў арганiзму патрэбныя разнастайныя вiтамiны. I абавязкова пiць чыстую ваду (каб выводзiлiся шлакi i таксiны, якiя якраз i назапашваюцца ў непажаданых месцах).

Можна заняцца змаганнем са злосным шкоднiкам жаночага цела нават прымаючы ванну. Пасля таго, як скарысталiся скрабам для цела, нанясiце самастойна прыгатаваны крэм злёгку папляскваючы сябе рукамi.

У такiм разе можна за 3 тыднi пазбавiцца ад праяў цэлюлiту i атрымаць далiкатную аксамiцiстую скуру.

Для ўзмацнення эфекту рэкамендуецца закончыць працэдуру прыняццем кантраснага душу: чаргуючы гарачую ваду (1 хвiлiна) i халодную (1 хвiлiна). Такая працэдура дапамагае ўзбадзёрыцца i з цягам часу перарастае ў прыемную звычку. Такiм чынам можна ў наступным перашкаджаць з'яўленню непажаданай "апельсiнавай" скуры.