Даішнік збіў дырэктара кавярні?

13.11.2009 11:59 — ЧП |

Размер текста:: A; A; A

Источник материала:

Пракуратура Першамайскага раёна Мінска распачала справу па ч. 2 арт. 339 Крымінальнага кодэкса (хуліганства) у дачыненні да супрацоўніка ўпраўлення Дзяржаўтаінспекцыі ГУУС Мінгарвыканкама.

Як паведамілі ў Генеральнай пракуратуры, 10 лістапада ў кавярні «Верас» 34‑гадовы супрацоўнік міліцыі і 45‑гадовы старшыня нейкага кааператыва з хуліганскіх меркаванняў збілі дырэктара і адміністратара кавярні.

Міліцыянер знаходзіўся ў кавярні ў неслужбовы час.

Максімальная санкцыя ч. 2 арт. 339 — пазбаўленне волі тэрмінам да шасці гадоў.

Вячаслаў Будкевіч, БелаПАН