Сабака-памежнік унюхаў 200 кг кантрабанднага мяса

19.10.2010 09:35 — ЧП |

Размер текста:: A; A; A

Источник материала:

Брэсцкія памежнікі сумесна з супрацоўнікамі мытні ў аўтадарожным пункце пропуску «Пясчатка» спынілі спробу незаконнага ўвозу на тэрыторыю Беларусі 200 кг вэнджанага мяса з Польшчы.

Аб гэтым паведаміла в.а. начальніка прэс-службы Брэсцкай пагранічнай групы Кацярына Паўлава.

Аўтамабіль «Пежо» прыцягнуў увагу памежнікаў, а дакладней службовага сабакі, водарам вэнджаніны, пасля чаго быў накіраваны ў бокс для паглыбленага надгляду. Пры даглядзе выявілася, што аўтамабіль літаральна «нафаршаваны» мяснымі вырабамі. Прадпрымальны жыхар Брэсцкай вобласці збудаваў схованкі ў нішы для запаснога кола, у падлозе салона і нават пад дном аўтамабіля.

Кантрабандны тавар, ацэнены на суму каля Br1, 5 млн., канфіскаваны, а разам з ім і аўтамабіль коштам Br15 млн. Не выключана, што нелегальны прадпрымальнік пазбавіцца і таго, і іншага.

Падзяліцца навіной:
Радыё Рацыя

В блог

Чтобы разместить новость на сайте или в блоге скопируйте код:

На вашем ресурсе это будет выглядеть так

Сабака-памежнік унюхаў 200 кг кантрабанднага мяса

Брэсцкія памежнікі сумесна з супрацоўнікамі мытні ў аўтадарожным пункце пропуску «Пясчатка» спынілі спробу незаконнага ўвозу на тэрыторыю Беларусі 200...