На пятніцу, 13 студзеня, – штармавое папярэджанне

Источник материала:

Міністэрства па надзвычайных сітуацыях папярэджвае, што 12-13 студзеня чакаецца ўзмацненне ветру да 22-24 м/с.

На большай частцы краіны 12 студзеня чакаюцца парывы ветру да 15-20 м/с. 13 студзеня – амаль паўсюль захаваецца вецер парывамі да 15-20 м/с, месцамі – да 22-24 м/с.

Міністэрства па надзвычайных сітуацыях нагадвае, што моцныя ветры небяспечныя тым, што магчыма:

- траўміраванне, часам гібель людзей;

- разбурэнне збудаванняў, дарог і мастоў, вытворчых і жылых будынкаў, асабліва іх верхніх паверхаў і дахаў;

- вырыванне дрэў і стварэнне завалаў;

- знішчэнне садоў і пасеваў на палях.

Падчас узмацненняў ветру рэкамендуюць:

- Быць гатовым да адключэння электрычнасці, перакрыць газавыя краны;

- Не карыстацца без патрэбы тэлефонам;

- Прыбраць рэчы з двара і балкона ў дом, абрэзаць сухія дрэвы, якія могуць пашкодзіць жыллё;

- Паставіць машыну ў гараж;

- Шчыльна зачыніць дзверы і вокны;

- Не ставіць ложак ля акна з вялікім шклом;

- Не карыстацца ліфтамі: электрасетку могуць абясточыць;

- На адкрытай мясцовасці трэба прыціснуцца да зямлі на дне любога паглыблення (ямы, канавы), абараняючы галаву адзеннем ці галінамі дрэў;

- Абыходзіць хісткія будынкі і дамы з няўстойлівай дахам, калі бедства заспела на вуліцы. Па магчымасці хавайцеся ў бліжэйшым доме;

- Спыніцца, калі вы едзеце ў аўтамабілі. Выйсці з яго і схавацца ў трывалым будынку ці на дне паглыблення;

- Пазбягаць збудаванняў павышанай рызыкі: мастоў, эстакад, трубаправодаў, ліній электраперадач, вадаёмаў, патэнцыйна небяспечных прамысловых аб'ектаў і дрэў.

Святлана ЦІШКО.