Чэкі на цыгарэты аказаліся пратэрмінаванымі

Источник материала:

У нядзелю, 4 лістапада, на ўчастку пагранічнай заставы "Лоша" Астравецкага раёна ў 750 метрах ад Дзяржаўнай мяжы затрымалі двух грамадзян Беларусі на аўтамабілі "Луаз".

Яны не мелі дакументаў.

У машыне знаходзіліся каробкі з цыгарэтамі. Затрыманыя паказалі чэкі, якія падцвярджалі, што цыгарэты набывалі.

Аднак пагранічнікі пры зверцы даты пакупкі і даты выпуску цыгарэт заўважылі неадпаведнасць.

Паводле чэкаў, іх набылі ў чэрвені, а цыгарэты былі выпушчаныя ў кастрычніку.

Цыгарэты канфіскавалі і даставілі ў аддзел пагранічнай службы "Гудагай".

Сума ацэнкі цыгарэт устанаўліваецца.

Аляксандр КОЛАБАЎ, памочнік начальніка Смаргонскай пагранічнай групы па рабоце са сродкамі масавай інфармацыі.