Манеўр каштаваў чалавечага жыцця

Источник материала:

Матацыкл “Сузукі” пасля аварыі.

Вынесены прыгавор 52-гадоваму кіроўцу "Мазды-6", якая сутыкнулася з матацыклам. У аварыі 31-гадовы матацыкліст загінуў. За маральную шкоду абвінавачаны выплаціў 60 мільёнаў рублёў.

Здарэнне адбылося вечарам 25 мая на Вялікім Гасцінцы каля крамы "Базар". Кіроўца "Мазды-6" рабіў манеўр левага павароту, але не заўважыў матацыкла, які рухаўся напрамкі.  Машына выехала на сустрэчную паласу, і яны сутыкнуліся.

Аўтамабіліст выйшаў і ўбачыў матацыкліста, які ляжаў побач з пабітым матацыклам. Але ў гэты час загарэлася машына, і яе кіроўца кінуўся тушыць пажар.

Побач ішла жанчына, якая пачула моцны ўдар і, калі павярнулася  і ўбачыла, што адбылося, выклікала "хуткую дапамогу".

Матацыкліста павезлі ў бальніцу, але выратаваць не змаглі. Ад цяжкіх цялесных пашкоджанняў ён памёр у бальніцы.

Яго брат расказаў, што на матацыкле загінулы ездзіў толькі некалькі месяцаў. Звычайна быў на машыне.

Маральную шкоду ён ацаніў у 60 мільёнаў рублёў. Абвінавачаны добраахвотна выплаціў усю суму.

Суд прыгаварыў мужчыну да двух гадоў абмежавання волі без накіравання ў папраўчую ўстанову адкрытага тыпу. Таксама абвінавачанага пазбавілі правоў на максімальны тэрмін – 5 гадоў.

Сяргей ГАБРУКОВІЧ,
старшы памочнік пракурора Маладзечанскага раёна.

Фота onliner.by