Выпускнікам забаранілі пускаць кітайскія ліхтарыкі і набываць на святкаванні шары з гаручымі газамі

Источник материала:

На працоўным нарадзе ў старшыні Мінскага аблвыканкама прынялі рашэнне забараніць выкарыстанне піратэхнічных вырабаў і адкрытага агню падчас святкаванняў выпускных і “Апошніх званкоў”.

Тлумачаць гэта наступным чынам:

– Усё хараство ліхтарыка ў адкрытым агні. А паколькі траекторыю яго палёту прадказаць немагчыма, ліхтарык можа паляцець куды заўгодна і спыніцца, напрыклад, на даху дома, балконе, ўляцець у адкрытае акно. Такі некантралюемы палёт можа стаць прычынай пажару.

Калі вы хочаце ўпрыгожыць залу паветранымі шарамі альбо надзіманымі дэкарацыямі, ні ў якім разе нельга напаўняць іх гаручымі газамі (напрыклад, вадародам альбо метанам), бо можа здарыцца выбух.

Паводле Мінскага абласнога ўпраўлення МНС.

Фота levmax.ru.