Напярэдадні свята ў Вілейцы спрабавалі абрабаваць жанчыну

Источник материала:

Непрыемны сюрпрыз чакаў віляйчанку напярэдадні жаночага свята. Каля дзесяці гадзін вечара 7 сакавіка яна вярталася дадому.

Зайшла ў пад'езд пяціпавярховага дома па вуліцы Гагарына. Следам за ёй зайшоў малады мужчына. У лесвічным пралёце ён спрабаваў выхапіць сумачку.

Жанчына стала супраціўляцца. Сумачка разарвалася, і ўсё з яе павысыпалася. А мужчына збег без здабычы.

Яго асоба ўстанаўліваецца, паведаміў начальнік Вілейскага раённага аддзела Следчага камітэта РБ Мікалай Раманчук.

Аддзел інфармацыі.

Фота з сайта vsluh.ru