Мядзел. Чатыры вугры браканьеру абыдуцца ў дзевяць мільёнаў рублёў

06.05.2014 — ЧП |

Размер текста:: A; A; A

Источник материала:

Фота з сайта gurkov2n.jimdo.com

На рэчцы Нарачанка 24 красавіка затрымалі жыхара Мядзельскага раёна.

Ён з выкарыстаннем забароненай прылады рыбалоўства – вугралавушкі – незаконна ў забаронены час здабываў рыбу, паведаміў намеснік начальніка Мядзельскай міжраённай інспекцыі аховы жывёльнага і расліннага свету Валянцін Галубовіч.

Здабычай мужчыны сталі чатыры вугры. У выніку ён прычыніў шкоду навакольнаму асяроддзю на дзевяць мільёнаў рублёў.

У дачыненні да мужчыны ўзбудзілі крымінальную справу – вынік незаконнай рыбалкі падвядзе суд.