У Парыжы ад удару маланкі пацярпелі 10 дзяцей

Дзесяць дзяцей і адзін дарослы атрымалі пашкоджанні ад удару маланкі ў парыжскім парку Мансо ў паўночна-заходняй частцы горада.

У шасцярых сур’ёзныя пашкоджанні. Як паведамляе ВВС, пацярпелыя спрабавалі схавацца ад навальніцы пад дрэвам.

Моцная залева і навальніца стала таксама прычынай прыпынення матчу адкрытага чэмпіянату Францыі па тэнісе “Ралан Гарос”.

У сярэдзіне траўня ад удараў маланкі ў Бангладэш загінулі болей за 50 чалавек. Большасць былі фермерамі, якія працавалі падчас навальніцы на рысавых палях.