Справу аб гібелі дзяўчынкі, пакінутай маці з галодным сабакам, накіравалі ў суд

Скончылася раследванне крымінальнай справы па факце гібелі 8-месячнай дзяўчынкі ад укусаў сабакі. Здарэнне адбылося ў сакавіку гэтага года ў Фрунзенскім раёне сталіцы. Пра гэта паведамляе прадстаўнік Упраўлення Следчага камітэта па Мінску Аляксей Клімовіч.

“Смерць дзяўчынкі наступіла з-за ампутацыі правай верхняй канечнасці на ўзроўні сярэдняй траціны пляча, моцнага крывацёку і гемарагічнага шоку. Медыка-крминалистическая экспертыза зрабіла выснову, што на руцэ дзіцяці прысутнічаюць ірваныя раны ад зубоў сабакі”, — напісаў ён.

Падчас расследавання атрымалася высветліць, што ў момант трагедыі сабака знаходзіўся ў кватэры, належнага догляду за ім не было. Не было добрага догляду і за дзіцём. Яго не кармілі каля сутак, а маці немаўля некалькі дзён ўжывала алкаголь. І на момант смерці дачкі была п’яная.

Пасля правядзення ўсіх экспертызаў і збору доказаў жанчыне прад’явілі абвінавачванне па частцы 3 артыкула 159 Крымінальнага кодакса. Маці прызнала сваю віну. Справа накіраваная ў суд.