Нападзенне на паліцэйскі ўчастак у Ерэване: перамовы працягваюцца

У ерэванскім раёне Эрэбуні праваахоўнікі працягваюць перамовы з узброенай групай, якая захапіла 17 ліпеня будынак паліцэйскага ўчастка і утрымлівае 4 паліцэйскіх у закладніках, перадае “Каўказскі вузел”. Сярод захопнікаў ёсць параненыя.

Узброенай групе было прапанавана здацца і вызваліць закладнікаў, паведамляе Служба нацыянальнай бяспекі Арменіі. Пры гэтым праваахоўнікі абяцаюць не звяртацца да прымянення спецыяльных дзеянняў.

"Армянскія супрацоўнікі службы бяспекі робяць усё магчымае для таго, каб утрымаць ўзброеную групу ад новага кровапраліцця", — падкрэсліваецца ў паведамленні ведамства.

Праваахоўнікі таксама заклікаюць жыхароў Арменіі "не ўмешвацца ў вырашэнне пытанняў, якія знаходзяцца ў распараджэнні адпаведных органаў, а таксама не перашкаджаць паўнавартаснай рэалізацыі іх задач".

Вуліца, на якой знаходзіцца паліцэйскі ўчастак па-ранейшаму ачэпленая. Ноччу туды прыйшлі больш за 200 чалавек, якія заявілі аб намеры начаваць каля ачаплення, каб не дапусціць штурму. Паліцыя сцягнула дадатковыя сілы.

Увечары 19 ліпеня паміж паліцэйскімі і актывістамі адбылося сутыкненне, аднаго чалавека паліцэйскія затрымалі. Пасля гэтага прагучалі стрэлы з боку захопленага будынка.

Нягледзячы на ​​спробы паліцыі заглушыць мабільную сувязь, з маніфестантамі змог звязацца намеснік старшыні "Устаноўчага парламента" Варужан Авецісян, які знаходзіцца ў захопленым будынку. Ён заявіў, што тым, хто знаходзіцца ўнутры будынка, паступіла інфармацыя, што паліцэйскія страляюць у маніфестантаў. Таму члены "Устаноўчага парламента" зрабілі некалькі стрэлаў у паветра — паказаць, што "яны ў баку не застануцца", — паведамляе “Каўказскі вузел”.

Маніфестанты, якія прыйшлі да паліцэйскага ўчастка патрабуюць не ўжываць сілу да членаў "ЎУстаноўчага парламента".

Нагадаем, 17 ліпеня актывісты грамадскай ініцыятывы “Устаноўчы парламент” захапілі будынак паліцэйскага ўчастка ў Ерэване. Падчас захопу загінуў паліцэйскі, яшчэ шэсць чалавек былі параненыя.

Раней паведамлялася, што захопнікі патрабуюць вызваліць Жырайра Сэфіляна, а таксама адстаўкі прэзідэнта Арменіі Сержа Саргсяна і перадачу ўлады так званаму “ураду народнага даверу”.

У Ерэване працягваюцца затрыманні пасля захопа закладнікаў паліцэйскім участку​