Мінскі зачэпер праехаўся між вагонамі цягніка метро

Служба УУС па ахове Мінскага метрапалітэна шукае аматара экстрэмальных паездак. Як паведамляе прэс-служба сталічнай міліцыі, мінчук праехаўся на счэпцы паміж вагонамі электрацягніка ад станцыі "Пралетарскай" да "Першамайскай".

Міліцыі паведамілі пра зачэпера, які едзе паміж вагонамі цягніка. Аднак на станцыі "Першамайскай" той сышоў станцыю. Цяпер праваахоўнікі высвятляюць яго асобу.

Начальнік УУС па ахове Мінскага метрапалітэна Кірыл Кіслоў канстатаваў, што апошнім часам значна павялічылася колькасць зачэпераў сярод маладых людзей. Пры тым, што такія паездкі вельмі небяспечныя.

Дарэчы, калі экстрэмала з метро знойдуць, яго могуць пакараць за адміністратыўнае парушэнне — дробнае хуліганства. Калі парушальнік непаўналетні, то яго бацькоў могуць пакараць за невыкананне абавязкаў па выхаванні дзяцей: штраф за гэта — ад 210 рублёў (10 базавых) да 420 рублёў (20 базавых).