У Магілёве пакупніца за вазок пакупак разлічылася пакетам манетак (відэа)

У магілёўскай краме гандлёвай сеткі "Еўраопт" адна з пакупніц надоўга паралізавала чаргу каля касы. За вазок з пакупкамі жанчына вырашыла расплаціцца пакетам з дробнымі манетамі.

Здарэнне адбылося ў нядзелю, 27 лістапада. Відавочца падзеі выклала відэа гэтага выпадку ў сацсеткі.

Па словах відавочцы, падлік грошай зацягнуўся амаль на паўгадзіны. Пры гэтым астатнія пакупнікі пакорліва чакалі, не пераходзячы ў іншую чаргу.