10 студзеня ў Беларусі абяцаюць да 24 градусаў марозу

У аўторак, 10 студзеня, у Беларусі чакаецца да 24 градусаў ніжэй за нуль. Пра гэта інфармуе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Сіноптыкі прагназуюць воблачнае з праясненнямі надвор'е, пераважна без ападкаў. Толькі па паўднёвым усходзе краіны пройдзе невялікі снег. У асобных раёнах магчымы слабы туман, на дарогах захаваецца галалёдзіца. Вецер будзе пераменных напрамкаў 2-7 метраў за секунду.

Уначы слупок тэрмометра будзе паказваць ад 11 да 17 градусаў марозу, пры праясненнях чакаецца -18...-24 (у Мінску — ад мінус 12 да мінус 14). Удзень прагназуюць 6-12 градусаў ніжэй за нуль (у сталіцы — 6-8 градусаў ніжэй за нуль).

Па прагнозах сіноптыкаў, ужо ў чацвер надвор'е ў Беларусі будзе атлантычны цыклон з цэнтрам над Скандынавіяй. Паўночныя вятры зменяцца на паўднёва-заходнія, і ўсталюецца вільготнае, ветранае з ападкамі надвор'е. Ужо ў пятніцу, 13 студзеня, тэмпература паветра ўдзень будзе складаць ад 5 градусаў марозу да 1 градуса цяпла.