У Столінскім раёне хлопчык самастойна тушыў пажар і атрымаў апёкі ног

У Столінскім раёне пацярпеў 9-гадовы хлопчык, які самастойна тушыў пажар. Здарэнне адбылося ўвечары 9 красавіка. У аграгарадку Альшаны гарэла гаспадарчая пабудова, якая належыць 35-гадовай жанчыне. Яе сын падчас спробы ліквідаваць узгаранне атрымаў апёкі 1-й і 2-й ступені ног (25% цела). Яго завезлі ў рэанімацыю Столінскай цэнтральнай раённай бальніцы.

Як інфармуе прэс-служба МНС Брэсцкай вобласці, агнём былі знішчаны дах будынка, маёмасць. Мяркуецца, што прычынай узгарання магло стаць дзіцячае свавольства з агнём з боку пацярпелага.