У нядзелю ўдзень амаль па ўсёй Беларусі чакаюцца дажджы

У нядзелю, 25 чэрвеня, у начныя гадзіны ў некаторых раёнах Беларусі прагназуюцца кароткачасовыя дажджы, удзень яны пройдуць амаль па ўсёй краіне. У некаторых раёнах магчымыя навальніцы. Уначы і раніцай месцамі будзе слабы туман.

Што да тэмпературы паветра, то ўначы яна складзе 11-16 градусаў са знакам плюс (у Мінску — 13-15 градусаў), у дзённыя гадзіны — ад 18 да 23 цяпла (у сталіцы — ад +21 да +23), на поўдні — да 26 градусаў, паведамляюць беларускія сіноптыкі.