Падазраваны ў забойстве 14-гадовай дзяўчынкі мінчук супрацоўнічае са следствам

24-гадовы мінчук, затрыманы па падазрэнні ў забойстве 14-гадовай школьніцы ў Маладзечанскім раёне, ахвотна супрацоўнічае са следствам. Пра гэта заявіў афіцыйны прадстаўнік следчага камітэта Сяргей Кабаковіч, піша sb.by.

З хлопцам праводзяцца следчыя дзеянні на месцы здарэння, каб аднавіць карціну падзеяў. Таксама плануюцца экспертныя даследаванні.

Як паведамлялася раней, 1 жніўня ў Маладзечанскім раёне знайшлі цела зніклай без вестак школьніцы са слядамі гвалтоўнай смерці. Сувязь з дзяўчынкай знікла ўвечары 29 ліпеня, два дні яе актыўна шукала міліцыя і валанцёры. 

Паводле неафіцыйнай інфармацыі, у дзяўчынкі ёсць сляды згвалтавання. 

У забойстве падазраюць яе знаёмага.