Гомельскаму ўладальніку шынамантажу спалілі "Лексус" і "Хонду"

Адразу два дарагія аўтамабілі згарэлі ў Гомелі — "Хонда" і "Лексус". Эксперты мяркуюць, што гаворка ідзе пра падпал, паведамляе сайт gomel.today.

Здарэнне адбылося 17 верасня каля палова адзінаццатай вечара на вуліцы Барыкіна. Хаця пажарныя прыбылі вельмі хутка, дарагія аўтамабілі атрымалі сур'ёзныя пашкоджанні. 

Потым следча-аператыўная група агледзела месца здарэння. Спецыялісты ўпраўлення Дзяржкамітэта судовых экспертыз па Гомельскай вобласці выказалі версію, што гаворка ў гэтым выпадку ідзе пра падпал. Пра гэта сведчыць тое, што пад абедзвюма машынамі былі знойдзеныя металічныя ёмістасці са слядамі лёгкаўзгаральнага рэчыва. 

Ад агню пацярпелі "Хонда CR-V" 2012 года выпуску і "Лексусе RX350" 2014 года. Іншамаркі фактычна належалі сям'і ўладальніка прыватнай фірмы, якая займаецца аказаннем паслуг шынамантажу. 

"Лексус" яшчэ можна аднавіць, бо ён быў застрахаваны па "Каска". А вось другі аўтамабіль, хутчэй за ўсё, давядзецца ўтылізаваць.

Гараддзел Следчага камітэта пачаў крымінальную справу за наўмыснае знішчэнне маёмасці. Падпальшчыку пагражае да дзесяці гадоў пазбаўлення волі.