26 снежня ў Беларусі будзе да +7 градусаў

Воблачнае з праясненнямі надвор'е чакаецца ў Беларусі ў аўторак, 26 снежня. Пра гэта агенцтву БЕЛТА паведамілі супрацоўнікі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы пераважна па паўночна-ўсходняй частцы краіны пройдзе дождж і мокры снег. Месцамі чакаецца слабы галалёд, на асобных участках дарог галалёдзіца. Днём будзе пераважна без ападкаў. Вецер прагназуецца заходні парывісты.

Уначы слупок тэрмометра пакажа ад 2 градусаў марозу да 4 цяпла. Удзень чакаецца +2...+7.