На чыгуначным вакзале Зальцбурга сутыкнуліся два цягнікі

У аўстрыйскім Зальцбургу на цэнтральным чыгуначным вакзале зранку 20 красавіка сутыкнуліся два цягнікі. Паводле папярэдніх звестак, пры інцыдэнце пацярпелі каля 40 чалавек, піша sb.by са спасылкай на замежныя інфармагенцтвы.

Здарэнне адбылося ў 04.46 паводле мясцовага часу. Манеўровы лакаматыў чапляў вагон да састава і ўрэзаўся ў пасажырскі цягнік, які стаяў на шляхах.

Большасць пацярпелых атрымалі лёгкія траўмы. Інфармацыі пра ахвяраў няма.

Інцыдэнт не выклікаў праблемаў у руху цягнікоў. 

Прычыны здарэння пакуль не вядомыя. Ідзе разбіральніцтва.