У Брэсце з кавярні эвакуявалі 17 чалавек

17 чалавек давялося эвакуяваць з брэсцкай кавярні з-за фальшывага паведамлення пра мініраванне, паведамляе БЕЛТА са спасылкай на УУС Брэсцкага аблвыканкама.

26 красавіка ў 23.10 у Маскоўскі РАУС Брэста з мабільнага тэлефона затэлефанаваў чалавек і паведаміў, што кавярня на Варшаўскай шашы замініраваная. Таксама ён заявіў пра падрыхтоўку выбуху. 

На месца выбывалі следча-аператыўная група, супрацоўнікі РАУС, паставой службы міліцыі, ДАІ, сапёрна-піратэхнічнай групы, МНС і хуткай медыцынскай дапамогі. З установы былі эвакуяваныя 17 чалавек. Але абследаванне кавярні не выявіла выбухованебяспечных прадметаў.

Ілжэмінёрам, як высветлілі праваахоўнікі, быў непрацуючы жыхар аграгарадка Моталь Іванаўскага раёна. Мужчыну затрымалі. Праводзіцца праверка.