Спякота спадзе, але ападкі не прагназуюцца

Дождж, які быў абяцаны метэаролагамі на выхадныя, жыхары раёна так і не пабачылі. Не прагназуюцца ападкі і ў набліжэйшы час. Разам з тым, спякота адступіць.

Сёння, 5 чэрвеня, максімальная тэмпература ўдзень чакаецца да 19 са знакам “+” і ўсяго +6…+10°C уночы. Надвор’е будзе воблачнае з праясненнямі, паўночны і паўночна-заходні вецер будзе дасягаць амаль 7 метраў за секунду. Дождж, як казалася вышэй, не прадбачыцца.

У сераду, 6 чэрвеня, парывы ветру спадуць да 4 м/с. Але і тэмпература паветра прагрэецца ўсяго да +14…+16°C удзень, ноччу максімальная складзе +9°C. Воблачна і зноў без ападкаў будзе і ў гэты дзень.

У чацвер метэаролагі прагназуюць нам яснае надвор’е, неістотны вецер. Максімальная дзённая тэмпература складзе 20°C вышэй за нуль, уначы — да +10°C.

 “НН”