На Смаргоншчыне спаборнічалі вальшчыкі лясгасаў
08.06.2018
—
Разное
|
У Смаргонскім доследным лясгасе прайшлі традыцыйныя спаборніцтвы вальшчыкаў лесу. Пачаліся яны з валкі дрэў у лясным масіве за 8 кіламетраў ад Жодзішак. Для кожнага вальшчыка арганізатары спаборніцтваў падрыхтавалі сасну. Яе неабходна было спілаваць так, каб упала ў строга вызначанае месца, на забіты ў зямлю калок.
Другі этап спаборніцтваў вальшчыкаў лесу быў праведзены ў гэты ж дзеннь на стадыёне дрэваапрацоўчага цэха “Бялкоўшчына”. Тут лесарубы спаборнічалі ў дакладнай распілоўцы бервяна, распілоўцы камбінаваным рэзам, абрэзцы вялікай колькасці сукоў на ствале дрэва. На выкананне ўсіх гэтых практыкаванняў неабходна было затраціць як мага менш часу.
Строгія суддзі сачылі за якасцю выконваемых работ, за парушэнні здымалі балы. Замеры праводзіліся пры дапамозе спецінструмента – штангенцыркуля, лінейкі і інш. Пасля заканчэння спаборніцтваў былі падведзены вынікі, падлічаны балы. Пераможцам у агульным заліку стаў Анатоль Лукашэвіч з Будзёнаўскага лясніцтва. На другім месцы апынуўся Віктар Гайдукевіч з Граўжышкаўскага лясніцтва, на трэцім – Мар'ян Сяргей з Ашмянскага. Вальшчыкаў лесу павіншаваў з добрымі вынікамі дырэктар лясгаса Аляксандр Шостак і ўручыў лепшым з іх граматы.
Юрый ЯНУШКЕВІЧ. Фота аўтара.
Чтобы разместить новость на сайте или в блоге скопируйте код:
На вашем ресурсе это будет выглядеть так
У Смаргонскім доследным лясгасе прайшлі традыцыйныя спаборніцтвы вальшчыкаў лесу. Пачаліся яны з валкі дрэў у лясным масіве за 8 кіламетраў ад Жодзішак. Для... |
|