Блогер Сяргей Пятрухін: Часам да мяне ідуць людзі як да апошняй інстанцыі

Источник материала:

14 чэрвеня па ўсім свеце адзначаецца міжнародны Дзень блогера.

На Берасцейшчыне вядомым блогерам стаў Сяргей Пятрухін. Паводле Пятрухіна, яго блогерства пачалося з банальнага жадання прымусіць жыллёва-камунальныя службы зрабіць капітальны рамонт свайго шматкватэрнага дома, тэрмін на які даўно прайшоў. Падчас гэтага сутыкнуўся са страшным беззаконнем у розных сферах жыцця. Вырашыў сваю блогерскую працу працягнуць, гаворыць Сяргей Пятрухін:

– Мая галоўная мэта: тое, што дэкларуе ўлада, каб гэтае адбывалася насамрэч, а не тое, што ў нас барацьба з карупцыяй, а карупцыя квітнее паўсюль, што ў нас такія добрыя міліцыянты, а гэтыя міліцыянты ламаюць ногі людзям, забіваюць у турмах.

https://www.racyja.com/wp-content/uploads/2018/06/2018-06-14_adamczuk_bloher-piatruchin.mp3

Па словах Сяргея Пятрухіна, да яго сталі звяртацца людзі як да апошняй інстанцыі – калі ўжо няма куды ісці. Ёсць і вынікі яго працы, калі караюцца людзі за супрацьпраўныя дзеянні пасля агучвання праблемы праз яго відэа.