Мужчыну, які праваліўся ў балота ў мінскім парку, шукалі з дапамогай дрона

У Мінску ў суботу, 11 жніўня, ратавальнікі шукалі мужчыну з дапамогай квадракоптара, паведамляе прэс-служба МНС.
 
У 15:43 мужчына затэлефанаваў на нумар "101" і паведаміў, што ён захрас у балоце ў Лошыцкім парку. Для пошуку мінчука ў парку ратавальнікі выкарысталі квадракоптар. Знайшлі яго ў 17.37 ў балоцістай мясцовасці каля Свіслачы за 70 метраў ад цвёрдага грунту. 

30-гадовага мужчыну даставілі на цвёрды грунт.

Прычынай здарэння называецца асабістая неасцярожнасць.