На выходных чакаецца пахаладанне і дажджы

22 верасня надвор'е ў Беларусі будуць вызначаць атмасферныя франты, якія змяшчаюцца з Заходняй Еўропы. Яны прынясуць халодныя паветраныя масы, паведамляе Белгідрамет. 

Уначы будзе пераменная воблачнасць, удзень воблачна з праясненнямі. Уначы па захадзе краіны, а зранку і ўдзень на большай частцы тэрыторыі пройдуць дажджы. Удзень па Гомельшчыне і Магілёўшчыне месцамі магчымыя навальніцы. Вецер будзе паўднёвы з пераходам на заходні, парывісты. 

Уначы тэмпература паветра будзе ад 10 да 16 вышэй за нуль, месцамі па паўднёвым усходзе — да +7...+9 градусаў. Удзень слупок тэрмометра падымецца да 14-20 са знакам "плюс", па паўднёвым усходзе —да 21-26 цяпла.

У нядзелю, 23 верасня, уначы пераважна па ўсходзе Беларусі, а ўдзень месцамі па краіне пройдуць кароткачасовыя дажджы. Ва ўсходніх раёнах месцамі прагрымяць навальніцы. Вецер будзе заходні, паўднёва-заходні, умераны, днём у асобных раёнах па паўночным захадзе краіны моцны парывісты. 
Уначы тэмпература паветра будзе +5...+10 градусаў, удзень чакаецца 12-18 вышэй за нуль.