На 4-ы паверх мінскай гасцініцы "Юбілейная" запаўзла змяя (фотафакт)

На 4-ы паверх мінскай гасцініцы "Юбілейная" на праспекце Пераможцаў запаўзла змяя. Яе пабачылі ў холе. Здарэнне адбылося ўвечары 26 верасня. На месца выклікалі ратавальнікаў. Як інфармуе прэс-служба МНС, высветлілася, што парушальнікам спакою ў гасцініцы стаў маісавы полаз альбінос. Яго злавілі і адвезлі ў заапарк, дзе змяя будзе чакаць з'яўлення свайго гаспадара.

Маісавы полаз альбінос не нясе небяспекі для людзей. Не дзіўна, што гэтая змяя папулярная ў калекцыянераў-аматараў рэптылій. Звычайна яе даўжыня складае да 1,5 м, а ў шэрагу выпадку — да 2 метраў. Рацыён складаецца ў асноўным з мышэй і пацукоў.