СК распачаў крымінальную справу на маці дзіцяці, знойдзенага ў Бабруйску

Супрацоўнікі Бабруйскага міжраённага аддзела Следчага камітэта распачалі крымінальную справу ў дачыненні да 32-гадовай мясцовай жыхаркі. Яе падазраюць у замаху на забойства свайго нованароджанага сына (ч.1 арт. 14, арт. 140 КК Рэспублікі Беларусь).

Па дадзеных следства, у сераду ўвечары (17 кастрычніка) падазраваная, якая знаходзілася дома ў стане алкагольнага ап'янення, пачала нараджаць. Падчас родаў яе 41-гадовы сужыцель адправіўся да прыяцеляў, якім расказаў, што адбываецца. Дзяўчына з кампаніі патэлефанавала ў хуткую дапамогу і выклікала лекараў да парадзіхі.

Калі медыкі прыбілі, пачулі ў кустах крык — там ляжаў нованароджаны хлопчык. Яго адразу шпіталізавалі.

Следчыя прызначылі судова-медыцынскія, а таксама біялагічныя і генетычныя экспертызы для высвятлення акалічнасцей злачынства. Як паведамляецца на сайце sk.gov.by, расследаванне працягваецца.