Размеркаваць бюджэт – лёгка!

Быць фінансава граматным  сёння не толькі важна, але і прэстыжна.

Нездарма кажуць, што  правільнае распараджэнне фінансамі – гэта ключ да фінансавага дабрабыту.   Фінансавая граматнасць дапамагае  эфектыўна  планаваць  і   правільна выкарыстоўваць  асабісты бюджэт, прымаць прадуманыя інвестыцыйныя  рашэнні,  арыентавацца  ў паслугах банкаў. 

А як зразумець, ці  з’яўляецеся вы фінансава граматным   чалавекам? Адказ на гэтае і многія іншыя пытанні паспрабавалі знайсці   старшакласнікі  падчас бацькоўскага майстар-класа “Фінансавая граматнасць для падлеткаў”, які прайшоў у суботу ў Поразаўскай СШ. Правяла яго Людміла Сабірава, маці адзінаццацікласніка Аляксея  і сямікласніцы  Васіліны. Людміла Васільеўна расказала аб неабходнасці спасціжэння фінансавай граматнасці, прывяла аргументы, прадставіла факты з жыцця вядомых асоб, якія, дзякуючы граматнаму размеркаванню  грашовых сродкаў,  змаглі дабіцца пэўных поспехаў і трывала стаць на ногі, прадэманстравала  напрацоўкі  са свайго ўласнага вопыту. Навучэнцы  паспрабавалі размеркаваць “сямейны бюджэт” з улікам усіх запланаваных  выдаткаў,  выкарыстаўшы  пры гэтым веды,  атрыманыя на занятку.

Марыя БЕЛАВА,

класны кіраўнік 11 класа Поразаўскай СШ.