100-годдзе як падстава для сустрэчы

Источник материала:

У пятніцу, 26 кастрычніка, зала раённага Дома культуры прымала прадстаўнікоў некалькіх пакаленняў. Нагода для сустрэчы была больш чым урачыстая – стагоддзе з часу заснавання камсамола.

Нягледзячы на розніцу ва ўзросце ўдзельнікаў мерапрыемства, агульныя тэмы для размовы знайшліся. Гэта, першым чынам, жыццё і справы моладзі.

Былыя актывісты камсамольскіх арганізацый, лідары райкама Петрыкаўскага ЛКСМБ у час адкрытага дыялогу – а менавіта такі фармат быў абраны для гэтай сустрэчы – узгадалі былыя часы, калі яны насілі камсамольскія значкі, ладзілі для моладзі шматлікія акцыі, у тым ліку працоўныя дэсанты, як выхоўвалі ў сабе адказнасць за прыняцце правільных рашэнняў, не дазвалялі сабе і сябрам ленавацца, вучыліся, працавалі і радаваліся жыццю.

Камсамольцы распавядалі сённяшняй моладзі пра карысныя справы, ідэалы і прынцыпы тых часоў. Пра тое, як няпроста і адначасова ганарова было патрапіць у камсамольскую арганізацыю. У сваю чаргу, актывісты БРСМ расказвалі пра свае справы, задачы, якія стаяць перад юнакамі і дзяўчатамі.

Сустрэча завяршылася творчымі нумарамі і памятным фота.

Яшчэ адна сустрэча, з гарбатай і цукеркамі, прайшла  ў суботу ў раённай бібліятэцы.

Арцём ГУСЕЎ.

Фота аўтара.