Два мінчукі скралі канапу пры пераездзе

У мінскую міліцыю звярнулася жанчына з заявай, што ў яе скралі канапу, якая каштуе каля 300 рублёў, паведамляе прэс-служба УУС Мінгарвыканкама.

Здарэнне адбылося 1 кастрычніка, калі жанчына пераязджала на іншую кватэру і выносіла для пераезду рэчы на вуліцу. Супрацоўнікі крымінальнага вышуку выявілі, што канапу скралі два мінчукі — 56-гадовы сантэхнік, які раней прыцягваўся да крымінальнай адказнасці, і яго 45-гадовы знаёмы.

Следчы камітэт пачаў крымінальную справу за крадзеж. Максімальнае пакаранне, якое пагражае мужчынам, — да трох гадоў пазбаўлення волі.