Ушачские исполнители впервые приняли участие в отборочном туре детского конкурса, который пройдёт на «Славянском базаре»

Ушацкія выканаўцы ўпершыню прынялі ўдзел у адборачным туры міжнароднага дзіцячага музычнага конкурсу, які праводзіцца ў рамках фестывалю мастацтваў “Славянскі базар у Віцебску”. І дэбют аказаўся ўдалым! Па выніках першага этапу рэгіянальнага адбору, які праходзіў 6 снежня ў Цэнтры культуры “Віцебск”, навучэнец вакальнага аддзялення Ушацкай дзіцячай школы мастацтваў Ягор Обух (выкладчык А.А.Сазонава) трапіў у пяцёрку лепшых выканаўцаў. На другім этапе спецыяльная камісія вызначыць дзесяць фіналістаў, з якіх і будзе абраны ўдзельнік конкурсу ад нашай краіны.