Пад Віцебскам загінуў пешаход: адзін легкавік яго зачапіў, другі пераехаў

Пад Віцебскам пад коламі машыны загінуў пешаход. Як паведамляе БЕЛТА са спасылкай на Віцебскую абласную ДАІ, здарэнне адбылося 15 снежня прыкладна ў 23:05 у некалькіх кіламетрах ад горада.

Спачатку кіроўца “Сітраен Сахо” зачапіў 61-гадовага мужчыну, які ішоў пешшу па праезнай частцы ў спадарожным кірунку. Пешаход упаў на дарогу, а там яго пераехаў “Додж Калібер”, які ішоў следам за “Сітраенам”. Мужчына загінуў на месцы.

За рулём “Доджа” была 40-гадовая жанчына. Адзначаецца, што яна неаднаразова прыцягвалася да адказнасці за парушэнне правілаў дарожнага руху, звычайна за перавышэнне хуткасці.

Цяпер ДАІ высвятляе ўсе акалічнасці здарэння.