Два чалавекі загінулі ў страшнай аварыі на МКАД (фота)

ДТЗ са смяротным вынікам адбылося зранку 1 лютага на Мінскай кальцавой аўтадарозе ў раёне 10 клінікі, паведамляе прэс-служба МНС.

Відавочцы паведамілі пра аварыю ў ў 7:15 раніцы. Прыбыўшы на месца здарэння, ратавальнікі высветлілі, што сутыкнуліся грузавы аўтамабіль "Сканія Р-114" (47-гадовы кіроўца) і франтальны пагрузчык "Шантуі СЛ-30" (28-гадовы кіроўца). Ад удару пагрузчык пераехаў з унутранага на вонкавае кальцо МКАД, дзе ўрэзаўся ў тры легкавыя аўтамабілі: "Мазда Прэмасі", "Опель Мерыва" і "Сітраен С-4 Пікаса". Кіроўцы "Опеля" і "Сітраена" (аднаму 60 гадоў, другому 41) самастойна выбраліся з аўтамабіляў. Медыкі шпіталізавалі іх з траўмамі рознай ступені цяжкасці.

З "Мазды Прэмасі" дасталі траўмаванага 26-гадовага пасажыра, яго шпіталізавалі. 54-гадовы кіроўца гэтага аўтамабіля і яго 52-гадовая жонка загінулі ў ДТЗ.