Асіповічы: хроніка здарэнняў

Источник материала:

РАУС

5 лютага па меддапамогу ў бальніцу звярнуўся асіпаўчанін, якога двумя днямі раней у в. Осава збіў мясцовы жыхар; 8 чысла з в. Вялікі Бор дастаўлены мужчына, якога ў ходзе сумеснага распівання алкаголю ўдарыў па галаве драўляным дзяржаннем аднавясковец. Асіпаўчанка паведаміла, што з яе кватэры выкрадзена 300 еўра, жыхар в. Грынёўка — аб згубе мабільнага тэлефона і 200 руб. 10 чысла ў в. Лучыцы затрыманы аўтамабіль і трактар, на якіх перавозілася без адпаведных дакументаў каля 2 тон лому каляровага металу.

РАСК

Узбуджана крымінальная справа ў дачыненні да жыхара в. Цяплухі, які ў лістападзе з хуліганскіх намераў падпаліў уваходныя дзверы кватэры ў райцэнтры.

Звыш 88 рублёў выкрадзена з рахунку асіпаўчанкі праз раней страчаную банкаўскую картку.

9 лютага невядомы ажыццявіў несанкцыянаваны доступ да акаўнта асіпаўчаніна ў сацсетцы “ВКонтакте” і ад імя ўладальніка прасіў даць яму звесткі аб абаненцкіх нумарах, перадаць коды і пералічыць грашовыя сродкі.

Раней судзімы жыхар райцэнтра ў лістападзе выкраў з двара дома аўтамабільную механічную каробку пераключэння хуткасці коштам 140 рублёў.

ДАI

Папярэджана 185 парушэнняў правіл дарожнага руху, прыцягнута да адказнасці 5 “бяспраўнікаў” і 61 пешаход.

Дэпартамент аховы

Да адміністрацыйнай адказнасці прыцягнута па 4 парушальнікі ПДР і тых, што з’яўляліся ў грамадскіх месцах у нецвярозым выглядзе; па 1 — за ўчыненне дробнага хуліганства і парушэнне антыалкагольнага заканадаўства, 3 — іншыя супрацьпраўныя дзеянні.

РАНС

4 чысла ў аг. Свіслач у пажары пацярпеў дачны дом.

IАЖіРС

Складзена 3 адміністрацыйныя пратаколы за парушэнне правілаў рыбалоўства, па 1 — палявання і лесакарыстання.