Асіповічы: хроніка здарэнняў

Источник материала:

РАУС

На мінулым тыдні ў пенсіянера з Амінавіч знойдзены патрон калібра 5,54 мм. 26 лютага ў доме гараджаніна выяўлена    110 л спіртазмяшчальнай прадукцыі. 27 чысла на вул. Сацыялістычнай пенсіянерку збіў мужчына — асоба хулігана ўжо ўстаноўлена. 21-гадовы гараджанін, які знаходзіцца на ўліку ўрача псіхіятра, па-шкодзіў шкленне дзвярэй і вокнаў гульнявога клуба. На нарыхтоўчым пункце ў Лапічах АБЭЗ выяўлена 2,2 т лому чорнага металу без адпаведных дакументаў. 1 сакавіка шпіталізаваны непрацуючы асіпаўчанін, які атрымаў траўмы пры выбуху, што  адбыўся пры абпале ім металічных вырабаў у вогнішчы.

РАСК

4 справы ўзбуджаны па злачынствах у сферы высокіх тэхналогій: у ліпені невядомы праз несанкцыянаваны доступ да старонкі ваеннаслужачага ў сацсетцы “ВКонтакте” разаслаў зарэгістраваным карыстальнікам паведамленні аб прадастаўленні рэквізітаў банкаўскіх плацежных картак; асіпаўчанін у кафэ пад падставай прагляду сацсетак запазычыў тэлефон у гараджанкі, парушыў сістэму абароны і завалодаў 100 руб.; у непрацуючай жыхаркі аг. Лапічы з выкарыстаннем інтэрнэту з карт-рахунку выкрадзена 359,9 руб.; 14 ліпеня 2013 года асіпаўчанін, маючы намер на распаўсюджванне і рэкламаванне, унёс парнаграфічныя матэрыялы ў асабістую анкету карыстальніка сацсеткі.

Пракуратурай раёна ўзбуджаны крымінальныя справы ў дачыненні да жыхара Ліпеня, які 14 студзеня збіў паленам жонку; яго аднасяльчаніна, што са жніўня па студзень сістэматычна збіваў маці; непрацуючай гараджанкі, якая  19 студзеня выказвала пагрозу забойствам і ўдарыла нажом сужыцеля.

3 сакавіка раней судзімы жыхар Градзянкі спрабаваў даць хабар (50 руб.) інспектару ДПС ДАI УУС аблвыканкама за непрыцягненне да адміністрацыйнай адказнасці.

ДАI

Папярэджана 157 парушэнняў ПДР, пакарана 66 пешаходаў.

1 чысла ў 14.10 на 106 км а/д Мінск-Гомель жыхар Лагойскага раёна на “Мерседэсе” сутыкнуўся з трактарам УКП ЖКГ, які рухаўся ў спадарожным напрамку. Вадзіцель МТЗ-892 шпіталізаваны.

Увага! Па 12 сакавіка праводзіцца комплекс прафілактычных мерапрыемстваў па папярэджанні ДТЗ з неабароненымі ўдзельнікамі дарожнага руху.

IАЖіРС

Складзена 3 адміністрацыйныя пратаколы за парушэнне правілаў лесакарыстання.