16 траўня на Гродзеншчыне і Брэстчыне пройдуць моцныя дажджы

16 траўня ў Беларусі прагназуецца воблачнае з праясненнямі надвор'е, інфармуе Белгідрамет. 

Пераважна па паўднёва-заходняй палове краіны пройдуць дажджы, месцамі прагрымяць навальніцы. Уначы і зранку ў асобных раёнах Гродзеншчыны і Брэстчыны чакаюцца моцныя дажджы. Вецер будзе ўсходні ўмераны, удзень парывісты. 

Уначы прагназуецца ад +6 па поўначы Беларусі да +14 па поўдні. Удзень паветра прагрэецца да 15-21 цяпла, па паўднёвым усходзе чакаецца да 24 вышэй за нуль.