СК — аб гібелі супрацоўніка ДАІ: ніякіх раненняў у вобласці пахвіны не было

Афіцыйны прадстаўнік Следчага камітэта Беларусі Юлія Ганчарова дапоўніла інфармацыю аб гібелі супрацоўніка ДАІ ў Магілёве, агучаную на брыфінгу 20 мая. Яна падкрэсліла, што ніякіх раненняў у вобласці пахвіны на целе загінулага міліцыянта не было.

Ганчарова паведаміла, што абмовілася на брыфінгу, сказаўшы аб 18 патронах ў двух абоймах табельнага пісталета Макарава загінулага. У кожнай абойме па 8 патронаў, а следчыя выявілі толькі 15 патронаў.

"Паведамленне ў Viber аб выкраданні сапраўды адпраўлена загінулым, што пацвярджаецца вывучэннем яго тэлефона, канфіскаванага з месца здарэння... Яно было адпраўлена з месца здарэння самім маладым чалавекам перад здзяйсненнем суіцыду для таго, каб яго хутчэй выявілі", — заявіла афіцыйны прадстаўнік СК.

Штаноў на загінулым не было, таму што ён спаліў іх з дапамогай вадкасці для распальвання і зрабіў гэта наўмысна, тлумачыць Ганчарова.