Жніво – 2019: будзе хлеб і будзе песня

Творчыя калектывы ДУК «Іўеўскі цэнтр культуры і вольнага часу» прымаюць актыўны ўдзел у канцэртным абслугоўванні дзельнікаў жніва -2019. У кароткія хвіліны абедзеннага перапынку або ў час неспрыяльнага для жніва надвор’я работнікі культуры выказываюць хлебаробам словы падзякі за самаадданую працу і добрай песняй натхняюць на новыя працоўныя перамогі.

25-26 ліпеня 2019 года праведзеныя канцэртныя выступленні  салістаў і аматарскіх калектываў аддзелаў і сектара культурна-масавай і асветнай работы г.п.Юрацішкі, аг.Геранёны, аг.Суботнікі, аг.Ліпнішкі і аг.Дайліды на зернескладзе КСУП «Юрацішкі», палявым стане  філіяла «Азот Агра» УСП «Новы Двор – Агра», мехдвары КСУП «Баўма», КСУП «Суботнікі», КСУП «Агра-Ліпнішкі».