Трэцім разам — добрым часам!.. Вадзіцель ААТ «Дабаснянскае» Мікалай Асташоў у трэці раз запар прэтэндуе на перамогу ў раённым спаборніцтве. 21.by

Трэцім разам — добрым часам!.. Вадзіцель ААТ «Дабаснянскае» Мікалай Асташоў у трэці раз запар прэтэндуе на перамогу ў раённым спаборніцтве

08.08.2019 — Разное | Кировец  
Размер текста:
A
A
A

Источник материала: Кировец

 

Трэцім разам — добрым часам!.. Вадзіцель ААТ «Дабаснянскае» Мікалай Асташоў  у трэці раз запар прэтэндуе на перамогу ў раённым спаборніцтве

Вадзіцель Мікалай Асташоў выгрузіў некалькі тон збожжа падчас чарговага рэйсу на збожжаток

Вадзіцеля ААТ “Дабаснянскае” Мікалая Асташова мы сустрэлі на збожжатаку сельгаставарыства, куды ён прывёз чарговы палявы гасцінец ад зямлі-карміцелькі. У кузаў яго САЗа хвілінамі раней з аднаго з камбайнаў ссыпалася свежаабмалочанае збожжа, і каштоўны залацісты груз быў хутка дастаўлены ў сушыльную гаспадарку…

Сёлетняе жніво для Мікалая Леанідавіча дзясятае. Менавіта столькі год таму ён стаў працаваць у “Дабаснянскім”. Хаця вадзіцельскі стаж значна большы. Хлопец з Лешчанкі ў свой час пасля школы скончыў СПТВ-220 у Кіраўску і з таго часу пачаўся адлік яго працы на роднай Кіраўшчыне. Спачатку на малой радзіме ў КСУП “Ніва-Барсукі”, як цяпер завецца гаспадарка. А пазней —  перабраўся ў Добасну: менавіта тут сустрэў сваё каханне — другую палавінку — Лілія Уладзіміраўна працуе настаўніцай пачатковых класаў у Дабаснянскай СШ. Дарэчы, сын Дзмітрый, як і бацька, мае таксама прамое дачыненне да жніва: працуе камбайнерам у саставе аднаго з экіпажаў гаспадаркі і не раз запаўняў кузаў аўтамашыны бацькі свежым збожжам.

Аднак непасрэдна да Асташова-старэйшага і вернемся. Уборачная кампанія для Мікалая Леанідавіча — час адметны. Жніво вадзіцель чакае з нейкім асаблівым хваляваннем. Часцей так ставяцца да гэтай пары камбайнеры, якія назіраюць за кожным каласком, які трапляе ў жатку збожжаўборачнай машыны. А тым часам праз вочы рулявых машын, якія задзейнічаны на адвозцы і стараюцца не менш, “праскоквае” кожнае зярнятка, якое спачатку ссыпаецца ў кузаў ці прычэп, а пасля — у месца складзіравання ў сушыльнай гаспадарцы. Вось так і ў Мікалая Асташова: кожная тона — на вагу золата. А інакш не бывае, бо хлеб — сапраўды залаты груз.


Трэцім разам — добрым часам!.. Вадзіцель ААТ «Дабаснянскае» Мікалай Асташоў  у трэці раз запар прэтэндуе на перамогу ў раённым спаборніцтве

Перадавога вадзіцеля віншуе першы намеснік начальніка райсельгасхарчу Анатоль Ланкуць

Днямі напружаны рабочы працэс перадавога вадзіцеля на некалькі хвілін быў прыпынены. Справа ў тым, што вадзіцель першым у раёне перакрочыў тысячатонны рубеж на адвозцы збожжа ад камбайнаў сярод калег, якія працуюць на машынах грузапад’ёмнасцю менш за 5 тон. Здавалася б, чарговы тысячнік на сёлетнім жніве — справа не такая ўжо дзіўная: іх атрад расце літаральна з кожным днём.

Але адна справа перавозіць збожжа на магутных вялізных машынах і завіхацца на аўтамабілях малой умяшчальнасці. Менавіта таму пры вызначэнні лепшых вадзіцеляў у спаборніцтве на жніве і прымяняецца адпаведны каэфіцыент. Дык вось згодна гэтага менавіта Мікалай Асташоў з ААТ “Дабаснянскае” два папярэднія гады запар станавіўся пераможцам раённага спаборніцтва сярод вадзіцеляў, а ў 2017 годзе яшчэ заняў і другое месца ў абласным. І сёлетняя тысяча тон (і нават ужо значна больш) — гэта важкая заяўка на чарговы трыумф.

У чым сакрэт стабільнага поспеху? На гэтае пытанне Мікалай Леанідавіч адназначнага адказу не даў, крыху сумеўшыся. Але ён чытаецца ў дзеяннях і памкненнях вадзіцеля. “Не падводзіць машына”, — адзначыў субяседнік. А, між тым, ёй ужо 32 гады, і толькі адзін “гаспадар” быў дагэтуль у яе… І як тут не зразумець, што за гэтым стаіць карпатлівая праца вадзіцеля, які з’яўляецца яшчэ і выдатным механікам. Перабраны ўласнымі рукамі кожны вінцік. А, як вядома, пастаянная прафілактыка ў розных сэнсах папярэджвае як хваробу ў чалавека, так і сур’ёзную паломку ў машыны. А галоўнае, безумоўна, — гэта стаўленне да працы, да даручанай справы, для якой кожная раніца — у радасць, а стома ад напружанага дня — толькі прыемная…

А між тым у ААТ “Дабаснянскае” жніво набліжаецца да заканчэння. Па становішчу на ўчарашнюю раніцу збожжавыя і зернебабовыя абмалочаны на 1270 га, што склала 87% ад плана. Заставалася ўбраць крыху больш за 190 га, што пры спрыяльным надвор’і мясцоваму збожжаўборачнаму атраду па сілах зрабіць літаральна за дзень-два. З абмалочаных 1270 га ў сушыльную гаспадарку сельгасарганізацыі дастаўлена 3539 т збожжа. Ужо згодна папярэдніх падлікаў сёлетні ўраджай чакаецца значна большым за леташні, што не можа не радаваць: не менш, чым у паўтысячы тон чакаецца прыбаўка, а гэта, як вядома, добры дадатак у грамадскую касу.

Ураджайнасць у 28 ц/га выглядае зусім нядрэннай. Але ж усё адносна: скажам, трыцікале і пшаніца парадавалі — 40 і 33 цэнтнеры на круг адпаведна, па 27 ц/га далі ячмень і авёс. А вось 16 ц/га зернебабовых — ужо не тое, як хацелася б…


Трэцім разам — добрым часам!.. Вадзіцель ААТ «Дабаснянскае» Мікалай Асташоў  у трэці раз запар прэтэндуе на перамогу ў раённым спаборніцтве

Адзін з перадавых экіпажаў ААТ “Дабаснянскае” ў саставе Аляксандра Міхлюка і Джанэлі Джыкія

Экіпажы камбайнаў, вадзіцелі, занятыя на адвозцы намалочанага збожжа,  спецыялісты агранамічнай службы… Ад механізатара да повара — усе заняты агульнай справай, імя якому — жніво. Алег Сосаў з Максімам Голубевым — лідары па намалотах у гаспадарцы, прычым сёлетні жніўны сезон для камбайнераў адзначыўся на дзвюх машынах: спачатку на “бывалым” КЗС-1218, на якім стартавалі, а ў працэсе ўборачнай кампаніі пераселі на атрыманым КЗС- GS12А. Больш за 400 т механізатары намалацілі на першым з іх, а затым больш за 600 т — на новым. У выніку дабаснянскі экіпаж трапіў у лік тысячнікаў. Выдатна працуюць іншыя камбайнеры. Амаль тысячу тон намалацілі Аляксандр Міхлюк з Джанэлі Джыкія, старанна працуюць Іван Зубаў з Андрэем Канавалавым, Васіль Ясянецкі з Дзмітрыем Асташовым, Яўген Максімаў з Максімам Іваніцкім. Не даюць прастойваць камбайнам, бункеры якіх імкліва напаўняюцца збожжам, вадзіцелі. Пра аднаго з іх — Мікалая Асташова — было распавядана вышэй. Але ж і Аляксей Шыбко, і Яўген Кавалёў на МАЗах шчыруюць не менш: кожны з іх перавёз больш за 1300 т збожжа.

Наладжана работа на збожжатаку, убіраецца з палёў салома, вядзецца ворыва пад сяўбу азімых культур з прыцэлам на будучы ўраджай. Арганізаваны работы — як мае быць, а, значыць, ёсць падставы разлічваць на пазітыўныя вынікі ва ўсіх накірунках дзейнасці сельгаспрадпрыемства ў перыяд уборачнай кампаніі.

Аляксандр ХАХЛОЎ.

Фота аўтара.

 

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
  Вадзіцель Мікалай Асташоў выгрузіў некалькі тон збожжа падчас чарговага рэйсу на збожжаток Вадзіцеля ААТ “Дабаснянскае” Мікалая Асташова мы...
 
 
 

РЕКЛАМА

Архив (Разное)

РЕКЛАМА

© 2004-2020 21.by
Яндекс.Метрика