Главная
Гороскопы
Майстры Ганцавіцкага раённаяга дома рамёстваў 16-18 жніўня прынялі ўдзел у штогадовым фестывалі народнай творчасці і традыцыйнай культуры «Ягелонскі кірмаш».
Кірмаш быў арганізаваны ў польскім горадзе Люблін у трынаццаты раз. Сёлета ён быў прысвечаны пчалярству. Нашы майстры ўжо два гады запар з’яўляюцца яго ўдзельнікамі. Ганцавіцкі раён у гэтым годзе прадставілі майстар па ткацтве Алена Цялушка і Народны майстар Рэспублікі Беларусь па ткацтве Ульяна Віннік, якія паказалі традыцыйную культуру нашага раёна, арыгінальныя і ўнікальныя вырабы ручной работы.
Тканыя і вышытыя традыцыйныя вырабы выклікалі вялікі інтарэс у наведвальнікаў мерапрыемства і карысталіся вялікім попытам.
Наталля Білімава, малодшы навуковы супрацоўнік ДзУК «Ганцавіцкі раённы дом рамёстваў».