Главная
Гороскопы
У мінулую суботу ў аг. Аношкі прайшоў выязны прыём грамадзян. На пытанні жыхароў адказвалі намеснікі старшыні райвыканкама Аляксандр Балцянкоў і Міхаіл Афанасік, старшыня сельвыканкама Алег Яраш, кіраўнікі і спецыялісты аддзелаў і структурных падраздзяленняў райвыканкама, прадстаўнікі сілавых структур раёна.
Сельскіх жыхароў цікавіла многае. Былі разгледжаны пытанні водазабеспячэння, добраўпарадкавання, бяспекі руху, асфальтавання дарог, вызначэння пенсіоннага ўзросту, выкарыстання мацярынскага капітала і іншыя. Сярод звярнуўшыхся грамадзян — Канстанцін Гесь, Міхаіл Нагорны, Віктар Буйко, Віктар Высоцкі,святар царквы Святой праведнай Ганны Васіль Краеў і іншыя. У час сустрэчы ўвага прысутных была засяроджана на бяспецы грамадзян. Старшы інжынер ІНіП Нясвіжскага РАНС Фёдар Яцэвіч у сваім выступленні спыніўся на рабоце назіральных камісій, а таксама ў чарговы раз заклікаў дарослых сачыць за бяспекай дзяцей.
Грамадзяне атрымалі падробныя адказы, некатарыя пытанні кіраўніцтва паставіла на свой асабісты кантроль. Падобныя сустрэчы з жыхарамі раёна з’яўляюцца вельмі важнымі, бо дазваляюць прадстаўнікам адміністрацыі чуць праблемы з першых вуснаў. З іншага боку, – гэта магчымасць для грамадзян задаць пытанне прадстаўнікам улады і адразу атрымаць на яго адказ.
“НН”